Во овој модул студентите ќе научат да се справуваат со промените кои доаѓаат во текот на работата, ќе го разберат влијанито на промените врз целата организација, ќе научат која е улогата на агентот на промени и дали се лидери или менаџери во текот на промената.

Овој модул е поделен на лични компетенции или владеење со себе, што вклучува самосвест, самосовладување, мотивираност, инцијатива и оптимизам, како и социјални компетенции, односно влијанието врз другите, успешно комуницирање и решавање конфликти, како и успешна соработка во тим.

Во делот комуникациски вештини студентите ќе се запознаат со термините конгурентност и инконгурентност, ќе ги совладаат комуникациските вештини низ концептите на трансакциска анализа и ќе се оспособат за користење на асертивна комуникација и избегнување манипулација.

Во овој модул студентите ќе се запознаат со улогата на лидерот при решавање на конфликит, како да се справат со вработени со различно однесување, како да избегнуваат емоционални замки, ќе научат да користат техники за себеменаџирање во кризен менаџмент и ќе научат да водат во процесот на преговарање.

Во овој модул студентите ќе научат како да воведат нов вработен во тимот, како да менторираат вработени, како да направат успешен план за развој на вработените, како да изградат успешни врски и како да создадат успешен тим.

Студентите ќе научат да прават разлика помеѓу позитивен и токсичен стрес, да го проценат сопственото ниво на стрес, ќе научат чекори за совладување на стресот, ќе научат методи за постигнување баланс помеѓу работата и приватниот живот, ќе научат да применуваат техники за намалување на негативните мисли и да избегнуваат ментални стапици.

Во овој модул студентите ќе проценат и испланираат начин како времето да стане нивен сојузник во остварување на целите, како да применуваат дисциплина во спроведување на плановите, како да постават граници и да кажат „не“, како да се справат со „крадците на време“ и ќе научат како успешно да делегираат одговорности.

Лидерите мора да имаат успешен и влијателен настап во работната средина, но и на одредени јавни настани. Овој модул ќе ги научи студентите како да говорат впечатливо, да имаат правилно држење на телото, како да ја ангажираат публиката и да направат интересна презентација.

Во овој модул студентите ќе научат кои се клучните улоги и способности на извршниот лидер, како да постават визија и мисија на организација, како да постават SMART цели, како да постават организациска стратегија, SWOT и TOWS анализа и Balanced Scorecard.